ABŞ Prezidenti Barak Obama Kubanın "terroru dəstəkləyən ölkələr" siyahısından çıxarılacağını açıqlayıb.

Axar.az xəbər verir ki, Ağ Evdən verilən açıqlamaya görə, Obama Kubanın qara siyahıdan çıxarılması üçün lazımlı işlərin başladıldığını bildirib.

Ağ Evin yazılı açıqlamasında bu sözlər yer alıb: "Kuba hökuməti ilə fərqliliklərimiz olmağa davam edəcək, ancaq Kubanın siyasəti haqqındakı fikirlərimiz terrora dəstək verdikləri istiqamətində deyil".

Kubanın terrora dəstək verən ölkələr siyahısına ilk dəfə alındığı 1982-ci ildən bu yana şərtlərin dəyişdiyini vurğulayan ABŞ Dövlət katibi Con Kerri isə belə deyib: "Yer kürəsi və dünya 33 il öncəsindən bu günə qədər çox dəyişib. Kuba hökumətindən aldığımız zəmanətlər və qanuni standartlar daxil olmaqla ortadakı həqiqətlərə uyğun olaraq gəldiyimiz qərar Kubanın terrora dəstək verən ölkələr siyahısından çıxarılmasının vaxtının çatdığı yönündədir".