Şimali Koreya 1970-1980-ci illərdə bu ölkənin məxfi xidmət orqanları tərəfindən qaçırılan yapon vətəndaşlarının harada saxlanıldığını bilir.

Axar.az xəbər verir ki, bunu Tokiodakı mətbuat konfransında Koreya Xalq Demokratik Respublikasının keçmiş kəşfiyyat əməkdaşı Kim Don Sik söyləyib.

Onun sözlərinə görə, Koreya Xalq Demokratik Respublikasının xüsusi xidmət orqanları yaponların yerini bilir. Bu məlumatlar qeydə alınır və hətta bunun araşdırılması üçün heç bir ehtiyac yoxdur.

Qeyd edək ki, keçən il may ayında Şimali Koreya 1970-80-ci illərdə bu ölkənin məxfi xidmətləri tərəfindən əsir götürülən yaponların taleyini araşdırmaq üçün Yaponiyaya söz vermişdi. Bunun əvəzində isə Yaponiya Şimali Koreyaya qarşı iqtisadi sanksiyaların bir hissəsini ləğv etmişdi. İstintaq bir il ərzində başa çatmalı idi, lakin Şimali Koreya hələ heç bir nəticə əldə etməyib.