Ana səhifə Planet |
Gürcüstan həqiqətən Fransadan raketdən müdafiə sistemlərinin alınması ilə bağlı danışıqlar aparır".
Axar.az xəbər verir ki, bu açıqlama ilə Gürcüstanın Müdafiə naziri Mindiya Canelidze çıxış edib.
Onun sözlərinə görə, alınacaq sistemlər "İsgəndər" raketlərini yaxalamaq qabiliyyətinə sahibdir. Canelidze hazırda bununla bağlı təkcə Fransa ilə yox, digər partnyor dövlətlərlə də danışıqlar apardıqlarını bildirib.
Bəzi mənbələr isə Tiflisin SAMP/T raketdən müdafiə sistemlərinə meyilləndiklərini söyləyiblər. Bu sistemlərin tərkibinə Aster-30 raketləri daxildir. Onlar təyyarəni 25 kilometr yüksəklik və 100 kilometr uzaqlıqda vurmaq qabiliyyətinə sahibdirlər. Bundan əlavə, alınması nəzərdə tutulan sistemlər "Toçka-U" raketlərini 35 kilometr radiusunda yaxalaya bilir.
Qeyd edək ki, bir müddət öncə Gürcüstanın eks-müdafiə naziri İrakli Alasaniya istefaya məhz bu raket sistemləri ilə bağlı müqaviləyə imza atdığına görə göndərildiyini bildirmişdi. O, həmçinin rəsmi Tiflisin bu sistemlərə yiyələnmək niyyətində olmadığını söyləmişdi.
Tarix
2015.04.15 / 15:18
|
Müəllif
İlkin Həsənov
|