"Pakistanın ərəb koalisiyasına qoşulacağına ümid edirik".

Axar.az xəbər verir ki, bu açıqlama ilə Səudiyyə Ərəbistanının İslam İşləri üzrə naziri Saleh ben Abdül Əziz Əl əş-Şeyx çıxış edib.

Onun sözlərinə görə, Səudiyyə Ərəbistanı Pakistanın Yəmənə öz ordusu və texnikasını göndərəcəyinə ümid edir.

Qeyd edək ki, Səudiyyə Ərəbistanı bir müddət öncə Pakistanı Yəmənə öz ordusunu göndərməyə çağırmışdı. Ər-Riyad həmçinin İslamabaddan "JF-17 Thunder" qırıcılarını və bir neçə hərbi gəmisini onlara verməyini istəmişdi. Pakistan parlamenti isə Səudiyyə Ərəbistanının istəyini rədd edərək, Yəmən konfliktində iştirak etməyəcəyini bildirmişdi.