Türkiyədə Soma mədəni faciəsi ilə bağlı məhkəmə başlayıb.

Axar.az xəbər verir ki, 301 insanın həlak olduğu kömür mədənlərinin keçmiş menecerləri qətl ittihamları ilə məhkəmə qarşısına çıxıblar. Səkkiz keçmiş menecer şəxsən ifadə vermək üçün çağırılıb. Soma mədən fəlakətinə görə bütövlükdə 45 insan mühakimə olunur, menecerləri isə daha uzun həbs gözləyir.

Bu, müasir Türkiyədə ən dəhşətli sənaye qəzası hesab olunur. İttihamçılar, keçmiş icraçı direktor Can Gurkan və baş menecer Ramazan Dogru da daxil olmaqla, səkkiz menecerə 301 dəfə təkrar olmaqla 25 illik həbs cəzası istəyiblər. İlkin ifadəsində Gurkan bildirib ki, o, mədəndəki təhlükəsizlik problemlərinə görə cavabdeh ola bilməz.