"Rusiyanın hərbi aktivliyi Moskvanı Vaşinqtonla soyuq müharibə dövründəki qarşıdurmaya qaytarır".

Axar.az xəbər verir ki, bu açıqlama ilə ABŞ-ın Sakit okean Hərbi Komandanlığının rəhbəri admiral Samuel Loklir çıxış edib.

Onun sözlərinə görə, Rusiya Sakit okeanın şərq sahilində yerləşən nüvə potensialını təkmilləşdirir:

"Rusiya həmçinin Sakit okeanda özünün sualtı gəmilərinin sayını artırır. O, Arktika, şimal-şərqi Asiya regionunda da öz aktivliyini gücləndirməyə çalışır. Onlar uzaq məsafədən rəqibə zərbə endirmək imkanlarını öyrənirlər. Lakin Rusiyanın hərbi gücü soyuq müharibə dövründə olduğundan çox deyil. ABŞ kəşfiyyatı Rusiya, Şimali Koreya və Çindən gələn təhdidləri səssiz şəkildə izləyir".