Avropa Şurası Misirdə iqtidar əleyhinə çıxan 14 nəfərin edam edilməsinə sərt reaksiya verib.

Axar.az xəbər verir ki, məsələ ilə bağlı danışan Avropa Şurasının sözçüsü Can Fişək Misirdəki edam cəzalarından narahat olduqlarını bildirib.

Dünyanın hər bir yerində edam cəzalarının ləğv edilməsinin gərəkli olduğunu bildirən Fişək ölüm hökmünün harada icra edilməsindən asılı olmayaraq sərt reaksiya göstərəcəklərini vurğulayıb.

Avropa Şurasının 47 üzv dövləti edam cəzasının tamamilə ləğv edilməsinin vacib şərt olduğunu qeyd edib.