"Türkiyə Qazaxıstanı Mərkəzi Asiya regionunda təkcə etibarlı müttəfiq yox, həm də Avrasiya ölkələri ilə vasitəçiliyə imkan verəcək kommunikator kimi görür".

Axar.az xəbər verir ki, bu açıqlama ilə politoloq İlqar Vəlizadə çıxış edib.

Onun sözlərinə görə, bu işin altında dayanacaq əsas məqam praqmatik layihələr və ideyaların reallaşdırılmasıdır:

"Bu layihələr sırasında Mərkəzi Asiyanı Türkiyə ilə Xəzər və Cənubi Qafqaz vasitəsilə əlaqələndirəcək nəqliyyat kommunikasiya yollarının inkişafı, Mərkəzi Asiyadan enerjinin Avropaya çatdırılması ilə bağlı alternativ kəmərlərin hazırlanması və sairə var. Burada, əlbəttə, Türkiyənin türk dünyasının lideri olmasına çalışması ilə bağlı məqamı da unutmaq lazım deyil. Qazaxıstanla strateji yaxınlıq bu məqsədə çatmağa imkan verir".