Alman hökuməti 24 apreldə 1915-ci il hadisələri ilə bağlı yayacağı bəyanatda soyqırım ifadəsini işlətməyəcək.

Axar.az xəbər verir ki, alman hökumətinin bu qərarı parlamentdə etirazla qarşılanıb. Federal Məclisin Xarici İşlər Komissiyasının sədri Norbert Rötgen alman hökumətini bu qərarına görə tənqid edib. O, "Tagesspiegel" qəzetinə açıqlamasında hökuməti "taktiki" davranmaqda günahlandırıb.

Xristian Demokrat Birliyinin üzvü Erika Steinbax isə hökuməti bitərəf davranmaqdan əl çəkməyə çağırıb.

Bu arada Almaniya hökumətini İrəvanda ölkənin Xarici İşlər Nazirliyinin rəsmisi Maykl Rozun təmsil edəcəyi açıqlanıb.

Qeyd edək ki, Berlində aprelin 23-də 1915-ci il hadisələri ilə bağlı mərasim baş tutacaq. Mərasimdə Almaniya Prezidenti Yoahim Qauk da iştirak edəcək. Qaukun hansı ifadəni işlədəcəyi isə hələlik bəlli deyil.