Türkiyə ərazisindən Suriyaya keçməyə cəhd edən bir neçə azərbaycanlı türk polisi tərəfindən saxlanılıb.

Publika.az xəbər verir ki, Türkiyənin Qaziantəp meriyasının yaydığı məlumata görə, Qaziantəp polisi tərəfindən Azərbaycan Respublikası vətəndaşı olan 4 nəfərin Suriyaya getmək üçün müəyyən hazırlıqlar gördüyü, qeyri-qanuni yollarla sərhədi keçməyə çalışdıqları öyrənilib.

Qaziantəp rayon polis idarəsi qrupu tərəfindən saxlanılan M.M., R.B., A.V. və M.K. adlı şəxslərin barəsində deportasiya qərarı çıxarılaraq əcnəbi vətəndaşlarla bağlı iş aparan polis idarəsinə təhvil verilib.