8 il ərzində Türkiyə Prezidenti Rəcəb Tayyib Ərdoğanın çıxış mətnlərini yazan və Türkiyə Böyük Millət Məclisinə namizədliyini irəli sürən Ziya Ünal Ərdoğan ilə bağlı heç kimə məlum olmayan bir sirri açıb.

Axar.az xəbər verir ki, Ünal Ərdoğanın bu günə qədər çıxışları arasında ən diqqət çəkəninin adını açıqlayıb. 2009-cu ildə Milli Birlik və Qardaşlıq layihəsi çərçivəsində Ərdoğanın çıxışı ən çox tənqid edilən və tarixə keçən bir çıxış olub.

"Mətnləri axşam evinə göndərərdik, vaxtı olanda bir dəfə oxuyardı. Bəzi hissələri çıxarardı. Cümlələr üzərində dəfələrlə müzakirələrimiz olurdu. Ancaq son zamanlar yazılanlara heç bir müdaxilə etmirdi. 8 il ərzində onun bütün həssaslığını öyrəndik və tam istədiyi kimi mətnlər yaza bildik", - Ünal qeyd edib.