İsrail və Bəhreyn arasında diplomatik əlaqələrin yaradılması dünyada yeni eranın açılmasına şərait yaradır.

Axar.az xəbər verir ki, bu sözləri İsrail Baş naziri Benyamin Netanyahu deyib.

“Sülhə sülh”, - deyən Netanyahu əldə edilən razılaşmadan dolayı məmnun qaldığını və buna görə ABŞ Prezidenti Donald Trampa təşəkkürünü bildirib.

"İordaniya ilə 1994-cü ildə barışıq əldə etdik, bundan 26 il sonra BƏƏ ilə əlaqələri bərpa etdik. Dördüncü ərəb ölkəsi ilə razılığa gəlməyimiz isə cəmi 29 gün vaxtımızı aldı. Böyük bir dəyişiklikdir", - Baş nazir vurğulayıb.

Qeyd edək ki, bundan öncə ABŞ Prezidenti Donald Tramp İsrail və Bəhreyn arasında sülh sazişinin imzalandığını bildirmişdi.