Türkiyənin Bursa şəhərinin İnegöl vilayətində yaşayan 105 yaşlı Əhməd Kanık Roma Papasının "soyqırım"la bağlı şərhinə sərt reaksiya verib.

Axar.az xəbər verir ki, Əhməd Kanık əsl soyqırımın ermənilər və yunanlar tərəfindən türklərə qarşı törədildiyini bildirib. O, Çanaqqala savaşından sonra İnegöldə baş verənlərdən danışıb:

"Çanaqqala savaşından sonra yunanlar və ermənilər quldur dəstələri qurdular. Bizim kəndə zərər vurmadılar, lakin dağ kəndlərini dağıtdılar. Kəndlərdə yaşayan insanların qoyunlarını yığıb apardılar, məhsullarını əllərindən aldılar. Ermənilərin 3-4 dəstəsi vardı. Onlara görə insanlar evlərindən qaçıb meşələrdə məskunlaşmışdılar. O vaxt çox çətinlik çəkdik".