Ana səhifə Planet |
Qırğızıstan Prezidenti Sooronbay Jeenbekov Çindən alınan borcu geri qaytarılması üçün güzəşt və vaxt istəyib.
Axar.az xəbər verir ki, S.Jeenbekov Qırğızıstana səfər edən Çinin Xarici İşlər naziri Vanq Yini qəbul edib.
Görüşdə Prezident COVİD-19-un ölkənin makroiqtisadi vəziyyət üzərində mənfi təsirlərindən söz açaraq, Qırğızıstanın Çinə olan xarici borc ödənişlərinin asanlaşdırılmasını istəyib. S.Jeenbekov eyni zamanda nazirdən ödənişlərin geri qaytarılması üçün vaxt verilməsini xahiş edib.
Məlumata görə, qəbul zamanı iki ölkə arasındakı əlaqələrin daha da inkişaf etdirilməsi məsələsi müzakirə edilib.
Qeyd edək ki, Qırğızıstanın mövcud 3 milyard 874 milyon dollarlıq xarici borcunun 1 milyard 794 milyon dollarlıq hissəsi Çinin İxrac-İdxal Bankına məxsusdur.
Tarix
2020.09.14 / 14:14
|
Müəllif
Samir Soltanov
|