Belarus Prezidenti Aleksandr Lukaşenko Minskdə Böyük Vətən Müharibəsində Qələbənin 70 illiyinə həsr olunmuş paradda iştirak edəcək.

Axar.az xəbər verir ki, bu barədə Kremlin mətbuat xidmətinin rəhbəri Dmitri Peskov məlumat verib.

Peskov Lukaşenkonun Moskvadakı parada qatılmayacağı xəbərini təsdiq edib:

"Bizim yaxın müttəfiqimiz Belarus prezidenti Minskdə keçiriləcək analoji paradda iştirak edəcək. Belarus da Böyük Qələbəni irimiqyaslı şəkildə qeyd edəcək".

Qeyd edək ki, Aleksandr Lukaşenko Qələbənin 70 illiyini Minskdə keçirəcəyini bildirmişdi.