Rusiya hərbçiləri Qara dəniz akvatoriyasında Ukrayna istiqamətindən Rusiya sərhədlərinə yaxınlaşan 3 hava obyektini müşahidə ediblər.

Axar.az xəbər verir ki, bu barədə Rusiya Milli Müdafiə İdarəetmə Komandanlığı məlumat yayıb.

Bildirilib ki, yolverilməz pozuntuların qarşısını almaq və indentifikasiya üçün 4 qırıcı – iki Su-27 və iki Su-30 qırıcıları havaya qaldırılıb.

Məlum olub ki, sözügedən obyektlər ABŞ-a məxsus B-52H təyyarələridir. Rusiya qırıcıları Qara dəniz üzərində onları müşahidə edib, təyyarələr uzaqlaşdıqdan sonra təhlükəsiz şəkildə bazaya qayıdıblar.