Liviya Baş naziri Fayez Sərracla qiyamçı Xəlifə Haftarın Fransada görüşəcəyi ilə bağlı məlumatlar həqiqəti əks etdirmir.

Axar.az xəbər verir ki, bunu Liviya hökumət sözçüsü Qalib əl-Zəklai deyib.

“Beynəlxalq vasitəçilər nə qədər böyük olsa da, yaxın və ya uzaq gələcəkdə belə bir görüş gözlənilmir. Sərrac Haftarla heç vaxt bir araya gəlməyəcək. Mətbuatda yayılan məlumatlar dezinformasiyadır”, - sözçü deyib.

Qeyd edək ki, ərəb telekanalları və beynəlxalq mediada Fayez Sərracla Xəlifə Haftarın sentyabrın 17-də Parisdə görüşəcəyi ilə bağlı məlumat yayıb.