"Ukrayna böhranı və Qərb ölkələrinin sanksiyaları Rusiya ilə Çin arasındakı əməkdaşlığın genişlənməsinə səbəb oldu".

Axar.az xəbər verir ki, bu barədə Çinin "Çayn Tayms" qəzeti yazıb. Qəzet Rusiya ilə Çinin yaxınlaşmasının dünya nizamını dəyişdirdiyini qeyd edib:

"Rusiya-Çin münasibətləri üç ölkə qrupu arasında (Rusiya-Çin, Çin-Cənubi Koreya, Yaponiya-Hindistan) ən sürətli şəkildə inkişaf edənlərdən oldu. Ukrayna böhranı və Qərb ölkələrinin sanksiyaları nəticəsində genişlənən bu əməkdaşlıq gündən-günə ABŞ hakimiyyəti üçün təhdidə çevrilir. Rusiya ilə Çin arasındakı ticarət həcmi 100 milyard dollardır. Rusiya Asiya İnfrastruktur İnvestisiya Bankına (AİİB) qoşulma qərarı verib. Bütün bunlar Moskva ilə Pekinin Soyuq müharibənin yeni dövründə ABŞ-a qarşı çıxa bilmək üçün özlərinə strateji mövqe təyin etdikləri mənasına gəlir".