BƏƏ və Bəhreyn kimi ərəb ölkələri bölgədə İsrailə hərbi bazalar ayırmağı planlaşdırır.

Axar.az xəbər verir ki, bunu İran Prezidenti Həsən Ruhani deyib.

“Çox təəssüf ki, xalqları müsəlman, dindar olan bəzi ölkələrin rəhbərliyi nə din bilir, nə də öz xalqına və Fələstinə qarşı borclarını. Fələstin xalqına qarşı törədilən cinayətlər hər gün artarkən, bu ölkələr İsrailə necə əl uzada bilər? Onlara (İsrail) bölgədə hərbi baza vermək istəyirlər. Bölgənin təhlükəsizliyini pozan ölkələr mümkün pis nəticələrə görə məsuliyyət daşıyacaq”, - Prezident bildirib.

Qeyd edək ki, ötən gün Ağ Evdə İsrail-BƏƏ-Bəhreyn arasında münasibətlərin normallaşması haqqında müqavilə imzalanıb.