Cənubi Koreyanın paytaxtı Seulda yerləşən memarlıq studiyası 2018-ci ildə keçiriləcək Olimpiya oyunlarının qonaqları üçün hazırladığı otel layihəsini təqdim edib.

Buro247 xəbər verir ki, Koreyalı memarların təsəvvüründə Olimpiada qonaqlarını qəbul edən otel 8 rəqəmini və ya sonsuzluq işarəsini xatırlatmalıdır. Layihə ümumi ərazisi 29 493 kvadrat metr təşkil edən 946 nömrəni özünə daxil edir. Memarların düşüncəsinə görə, stadion yaxın məsafədən xanoku - ənənəvi Koreya evini xatırlatmalıdır. Aşağı mərtəbələrdə işıq diodları mediafasad yaradır. Otelin içərisində isə restoran və ticarət nöqtələrinin açılması planlaşdırılır.

Tikintinin əsas mərhələləri 2016-cı ilə təyin edilib.