Ümumdünya Səhiyyə Təşkilatı Afrikada 41 min tibb işçisinin koronavirusa yoluxduğunu açıqlayıb.

Axar.az xəbər verir ki, bu, “qara qitə”də ümumi yoluxanların 3,8 faizinə bərabərdir. Hətta xəstəlik yayanların bir çoxunun elə tibb işçiləri olduğu qeyd edilir.

Çünki onların bir çoxu yoluxduğundan xəbərsiz olub. Həkimlərin virusa yoluxmasının riskli bölgədə fəaliyyət göstərən tibbi personal sayına ciddi təsir etdiyi qeyd edilir.

Qeyd edək ki, qitədə koronovirusdan ən çox ölüm Cənubi Afrika və Misirdə qeydə alınıb.