Türkiyə-Fransa arasında yaşanan gərginlik zaman NATO hərbi-strateji mövqeyi səbəbindən Türkiyə ilə açıq qarşıdurmaya getmək istəməyib.

Axar.az xəbər verir ki, bu sözləri adı açıqlanmayan avropalı diplomat “Röyter”ə deyib.

O bildirib ki, Fransa-Türkiyə gərginliyi ilə bağlı NATO-nun hesabatı hazırdır, lakin “həssas” olması səbəbindən ictimaiyyətə açıqlanmayacaq:

“Türkiyənin strateji mövqeyi səbəbindən alyans Ankara ilə üz-üzə gəlmək istəməyib”.

Qeyd edək ki, rəsmi Paris Türkiyənin BMT-nin Liviya ilə bağlı tətbiq etdiyi embarqonu pozduğunu iddia etmiş və alyansa rəsmi şəkildə şikayət ünvanlamışdı. Rəsmi Ankara bu iddiaları rədd etmişdi.

Bu məsələdən sonra Fransa-Türkiyə arasında rəsmi səviyyələrdə qarşılıqlı ittihamlar səsləndirilməkdədir.