Böyük Britaniya rus oliqarxı Mixail Fridmandan Şimal dənizindəki qaz yatağını yarım il ərzində təhvil verməsini istəyib.

Axar.az xəbər verir ki, bu barədə informasiyanı "Röyter" agentliyi yayıb.

Agentliyin məlumatına görə, Fridman Londonun tələblərinə əməl etməyəcəyi halda yatağın lisenziyası ləğv olunacaq.

Mixail Fridmanın "LetterOne" şirkəti bu ilin martında Almaniyanın RWE kompaniyasının törəməsi olan DEA şirkətini 5,1 milyard avroya almışdı. Məhz bu şirkətin Şimal dənizində bir neçə qaz yatağı var.

Fridman 16,8 milyard dollarlıq varidata sahibdir. O, Rusiyanın ikinci ən varlı adamı hesab edilir. "Alfa qrup" məhz Fridmana məxsusdur.