Xətai rayonu, AMAY ticarət mərkəzi ilə üzbəüz bulvar ərazisinə daxil olan sahə Ağ Şəhər layihəsinin bir hissəsi olduğundan burada yaşıllıq salınmayıb.

Bu sözləri Axar.az-a Xətai Rayon İcra Hakimiyyətinin ictimai-siyasi şöbəsinin müdiri Pənah İmanov deyib.

Onun sözlərinə görə, sözügedən boş sahədə ağac əkininin bir müddətlik dayandırılması ərazidə hazırda davam edən abadlıq-quruculuq işləri ilə əlaqəlidir:

“Layihəyə uyğun olaraq mərhələ-mərhələ tikinti işləri aparılır. Məndə olan məlumata görə, sahənin bir hissəsində velosiped yarışları üçün meydança salınacaq. Digər tərəfdə isə bildiyimiz kimi, Bakı Fransız Liseyi yerləşir”.