Ermənistanda fövqəladə vəziyyət rejiminin 11 yanvar 2021-ci ilə qədər uzadılması qərarından sonra Rusiyaya getmək ümidlərini dəfn etməyə məcbur olan ermənilərdən bir neçəsi növbəti aksiyaya qərar verib.

Axar.az xəbər verir ki, son bir həftədə ardıcıl aksiyalar keçirən və Ermənistanda iş olmadığı üçün Rusiyaya getmələrinə şərait yaradılmasını tələb edən ermənilər bu gün Ermənistan Nazirlər Kabinetinin qarşısında aclıq aksiyasına başlayıblar.

Onlar Rusiya ilə danışıqlar aparılmasını və onların Rusiyaya getməsinə şərait yaradılmasını tələb edirlər.

Sosial şəbəkədə yayılan məlumatda isə onlar açıq şəkildə bildiriblər ki, pandemiya ilə əlaqədar ölkədən gedə bilmədiklərinə, üstəlik, Ermənistanda vəziyyət həddən artıq çətin olduqlarına görə onsuz da acdırlar. İndi isə bu aclığı Paşinyanın ofisinin qarşısında sadəcə elan edirlər.