ABŞ-ın Çikaqo Universitetində saxlanılan 108 hissədən ibarət tarixi əsər İran Milli Muzeyinə təhvil verilib.

Axar.az xəbər verir ki, antik Çoğamiş şəhərinə aid saxsı, açar və yazılardan ibarət 108 tarixi əsər İran Milli Muzeyində keçirilən mərasim zamanı Çikaqo Universitetinin Şərq Elmləri İnstitutunun rəhbəri arxeoloq Gil Ştein tərəfindən İran Mədəni İrs Təşkilatının sədr müavini Məhəmməd Həsən Talibiyana təqdim edilib.

Talibiyan bu əsərin təxminən 6000 il əvvələ aid olduğunu və İranda kənd təsərrüfatının başladığı dövrə təsadüf etdiyini bildirib.

Qeyd edək ki, Çoğamiş İranın cənub-qərbində, Dez çayı sahilində yerləşən eramızdan əvvəlki dövrə aid qədim şəhərdir.