Belarus Prezidenti Aleksandr Lukaşenkonun Minskin Müstəqillik Meydanında yerləşən işgüzar iqamətgahı qarşısında hərbi texnika və hərbçilər toplanıb.

Axar.az xəbər verir ki, bu məlumatı “Kyky.org” saytı yayıb. Sayt iqamətgah qarşısında qara kostyumda çoxlu sayda insanın göründüyünü bildirib.

Sosial şəbəkələrdə isə Lukaşenkonun məxfi andiçmə mərasimi keçirdiyi vurğulanıb.

Belarusun rəsmi dövlət agentliyi olan BelTA isə Lukaşenkonun bu gün rəsmən Belarus prezidenti vəzifəsinin icrasına başladığını yazıb. Bununla da agentlik andiçmə mərasiminin keçirildiyini təsdiqləyib.