Ana səhifə Planet |
13:37
İrəvan məhkəməsində Çiçəklənən Ermənistan Partiyasının sədri Qagik Çarukyanın həbsi məsələsinə baxılır.
Axar.az xəbər verir ki, bu məlumatı “Nyus.am” saytı yayıb. İclasın Kentron iqamətgahında hakim Mnatsakan Martirosyanın sədrliyi ilə keçirildiyi vurğulanıb.
Qeyd edək ki, bundan öncə Ermənistan Baş prokuroru parlament qarşısında Çarukyanın məsuliyyətə cəlbi üçün toxunulmazlığının ləğvi ilə bağlı müraciət etmişdi. Parlament buna razılıq vermişdi.
Çarukyan seçicilərin satın alınmasında ittiham edilir. Çarukyan bu ittihamları rədd edir.
Bir neçə gün öncə isə Ermənistanın üç müxalif partiyası – Daşnaksütyun, Çiçəklənən Ermənistan və Vətən partiyaları birləşərək, oktyabrın 8-də İrəvandakı Azadlıq meydanında Paşinyanın istefası tələbi ilə etiraz aksiyası təyin etmişdilər. Aksiyaların davamlı olacağı elan edilmişdi.
***
Çiçəklənən Ermənistan Partiyasının liderinin həbsi məsələsi ilə bağlı məhkəmə iclası baş tutmayıb.
İttihamçı tərəfin vəsatəti əsasında iclas təxirə salınıb. Buna əsas səbəb kimi Çarukyanın vəkillərinin lazımi səviyyədə məlumatlandırılmadığı göstərilib.
Tarix
2020.09.23 / 16:04
|
Müəllif
Axar.az
|