Pentaqon məşhur "Qardian" qəzetinin İŞİD terror təşkilatının lideri Əbubəkir Bağdadinin ağır yaralandığı ilə bağlı ortaya atdığı iddialara cavab verib.

Axar.az xəbər verir ki, Pentaqon sözçüsü polkovnik Stiv Voren Bağdadinin yaralandığına dair hər hansı dəlilin tapılmadığını söyləyib.

Qəzetin xəbərində martda çıxan xəbərlərdən istifadə edildiyini qeyd edən sözçü o tarixdə koalisiyanın həyata keçirdiyi hücumların Bağdadini hədəf almadığını bildirib:

"Bağdadinin yaralandığı və ya öldüyünə dair hər hansı dəlil yoxdur. O vaxtdan bu günə qədər heç bir dəyişiklik olmayıb".

Qeyd edək ki, qəzet mart ayından bəri Bağdadinin yaralandığını və artıq təşkilatı idarə edə bilmədiyini iddia edir.