Ana səhifə Planet |
Ermənistanda yaxın gələcəkdə doğum səviyyəsi nəinki artacaq, hətta azalacaq.
Axar.az xəbər verir ki, bunu erməni demoqraf Artak Markosyan deyib.
“Bu ildə biz doğum tempinin azalmasını gözləyirik. Məsələ odur ki, hazırda nikaha 90-cı illərdə doğulanlar girirlər. Bu illərdə doğum səviyyəsi 80-ci illərlə müqayisədə kəskin azalıb, ölkədən rekord həcmdə - 490 min nəfər gedib”, – deyə o bildirib.
Markosyan Ermənistanda inqilabdan sonra da əhalinin sayının azaldığını söyləyib:
“2019-cu ildə 2018-ci illə müqayisədə əhali sayı 6100 nəfər azalıb. Əgər Nikol Paşinyanın dediyi kimi, Ermənistanda 2050-ci ildə 5 milyon əhali yaşasa, o zaman xalqın 1,3 milyon nəfəri başqa millətlərin nümayəndələri olacaq”.
Başqa bir erməni demoqraf Ruben Yeqanyan 2050-ci ildə əhali sayının 5 milyona çatdırılması üçün Ermənistana başqa ölkələrdən köçürülən ermənilərin sayının artırılması planının qeyri-real olduğunu deyib:
“Miqrasiyanın davam etdiyi ölkəyə immiqrasiyadan bəhs etmək məntiqsizdir. Əlavə olaraq biz həyat üçün faydalı şəraitin olmadığı ölkədən bəhs edirik”.
Qeyd edək ki, bundan öncə Ermənistan Baş naziri Nikol Paşinyan 2050-ci ildə ölkə əhalisinin 5 milyon nəfərə çatdırılacağını bildirmişdi.
Tarix
2020.09.24 / 12:18
|
Müəllif
İlkin Həsənov
|