Hazırda Almaniyada müalicə alan rusiyalı müxalif bloger Aleksey Navalnının Moskvadakı mənzilinə həbs qoyulub.

Axar.az xəbər verir ki, bu barədə onun mətbuat katibi Kira Yarmış məlumat yayıb.

Onun sözlərinə görə, bu, “Moskva məktəblisi” şirkətinin Navalnının rəhbəri olduğu Korrupsiyaya qarşı Mübarizə Fondunu 2019-cu ildə məhkəməyə verməsi ilə bağlıdır.

“Avqustun 27-də məhkəmə icraçıları Marinoda onun payına düşən mənzildə qeydiyyat fəaliyyətinin qadağan olunduğunu elan ediblər. Bu o deməkdir ki, mənzili satmaq, hədiyyə etmək və girov qoymaq olmaz. Eyni zamanda Alekseyin hesablarına həbs qoyulub”, - Yarmış bildirib.