Fransa Xarici İşlər Nazirliyi ölkə Prezidenti Emmanuel Makronla Rusiya Prezidenti Vladimir Putin arasındakı telefon danışığının KİV-də yayılması ilə bağlı araşdırmalara başlayıb.

Axar.az xəbər verir ki, bu barədə Fransa Xarici İşlər Nazirliyinin rəsmisi məlumat yayıb.

“Məxfi daxili sənədlərin sızması qəbuledilməzdir. Bu səbəbdən şərh verməkdən çəkinirik”, - o bildirib.

Qeyd edək ki, bir neçə gün öncə Fransanın “Le Mond” qəzeti Emmanuel Makronla Vladimir Putin arasındakı telefon danışığının təfərrüatını yaymışdı. Qəzetin yazdığına görə, Putin Makrona rusiyalı müxalif bloger Aleksey Navalnının “Noviçok” zəhərini qəsdən içdiyini demişdi.