22:45

Ukraynanın Xarkov vilayəti yaxınlığında təyyarə qəzaya düşüb.

Axar.az xəbər verir ki, bu barədə “Strana” saytı məlumat yayıb.

“Xarkov vilayətinin Çuquyeva rayonu yaxınlığında təyyarə qəzaya uğrayıb. Ehtimal olunur ki, qəzaya uğrayan An-26 hərbi-nəqliyyat təyyarəsidir”, - məlumatda qeyd olunub.

***

Ukrayna Hərbi Hava Qüvvələri komandanlığı qəzaya uğrayan təyyarənin An-26 olduğunu təsdiq edib.

Təyyərədə 5 heyət üzvü və 18 kursant olub. Qəza nəticəsində 18 nəfər ölüb, 2 nəfər yaralanıb.

***

Xarkov vilayətində baş verən təyyarə qəzası zamanı ölənlərin sayı 22-yə çatıb. 2 nəfər yaralanıb, 4 nəfər isə itkin düşüb.

Bunu Xarkov vilayət administrasiyasının rəhbəri Aleksey Kuçer deyib.

“Hadisə yerindəyəm. Məlumata görə, təyyarədə 28 nəfər olub. Onlardan 7-si zabit, 21-i isə kursant olub. Yaralılardan birinin vəziyyəti ağırdır. 4 nəfərin aqibəti məlum deyil”, - Kuçer yazıb.

***

Qəza nəticəsində ölənlərin sayı 25-ə çatıb.

Bu barədə Ukrayna Baş Prokurorluğundan məlumat verilib.