Səudiyyə şahzadəsi Əl-Vəlid Bin Talal Yəməni bombalayan pilotlara dəyəri 1 milyon dollardan artıq olan "Bentli" markalı avtomobil hədiyyə edəcək.

Axar.az xəbər verir ki, şahzadə bu barədə Tvitterdəki hesabından məlumat yayıb. O, Yəmən əməliyyatına qatılan və husilərin mövqelərini bombalayan 100 səudiyyəli pilota mükafat olaraq "Bentli" markalı avtomobil verəcəyini bildirib.

Qeyd edək ki, 23 milyard dollarlıq sərvətə sahib olan şahzadə Əl-Vəlid Bin Talal dünyanın 16-cı ən zəngin adamıdır. O, daha öncə də Səudiyyə Ərəbistanının milli futbol komandasının oyunçularına 25 "Bentli" hədiyyə etmişdi.