"Biz Rusiyadan Əli Əbu Məhəmmədin meyitinin qaytarılmasını tələb edirik".

Axar.az xəbər verir ki, bu barədə bəyanatı Türkiyənin Şimali Qafqaz qaçqınlarının məsələləri ilə məşğul olan "İmkander" təşkilatı yayıb.

Təşkilatın bəyanatına görə, Rusiya heç vaxt Qafqazdakı azadlıq atəşini söndürə bilməyəcək:

"Biz 250 min insanın ölümündə günahkar olan Rusiya hakimiyyətindən heç olmasa düşmənlərinin qalıqlarına hörmət etməyini istəyirik. Əli Əbu Məhəmmədin meyitinin qohumlarına verilərək onun islam qaydaları ilə dəfn edilməsi beynəlxalq normaların tələbidir".

Qeyd edək ki, Əli Əbu Məhəmməd "Qafqaz İmarəti" terror təşkilatının rəhbəri olub. O, bir neçə gün bundan əvvəl Rusiya xüsusi xidmət orqanları tərəfindən öldürülüb.