Şimali Atlantika İttifaqı Dağlıq Qarabağdakı vəziyyətdən dərindən narahatdır və münaqişə tərəflərini hərbi əməliyyatları dayandırmağa çağırır.

Axar.az xəbər verir ki, bunu NATO baş katibinin Mərkəzi Asiya və Qazqaz üzrə xüsusi nümayəndəsi Ceyms Appaturay deyib.

“NATO Dağlıq Qarabağ münaqişəsi zonasında təmas xətti boyunca irimiqyaslı hərbi əməliyyatların baş verməsi barədə xəbərlərdən çox narahatdır. Tərəflər artıq mülki itkilərlə nəticələnən hərbi əməliyyatları dərhal dayandırmalıdır”, - Appaturay bildirib.

“Tərəflər münaqişənin sülh yolu ilə nizamlanmasına dair danışıqları bərpa etməlidirlər. NATO ATƏT-in Minsk Qrupunun səylərini dəstəkləyir”, - o vurğulayıb.