"Aralıq dənizində 800-dən çox adamın hər kəsin gözünün qarşısında can verməsi Avropanın 30 ildə miqrantlarla bağlı apardığı siyasətinin nə qədər uğursuz olduğunu sübut etdi".

Axar.az xəbər verir ki, bu açıqlama ilə Fransanın Beynəlxalq Əlaqələr İnstitutunun əməkdaşı Matteu Tardis çıxış edib. O, Aralıq dənizində baş verən faciə ilə əlaqədar Avropa liderlərini günahlandırıb:

"Qaçqınlarla bağlı problemin həll edilməməsinin başlıca səbəbi Avropanın bu məsələdə istəksiz olmasıdır. Bu il ərzində 1600-dən çox miqrant Aralıq dənizini keçmək istəyərkən can verib. Bu məsələdə görülən tədbirlər yetərsizdir. Qaçaq miqrant problemində Avropa İtaliyanı tək qoyub".

Qeyd edək ki, bu gün AB liderləri Aralıq dənizini keçməyi bacaran 150 min miqrantla bağlı razılığa gəliblər. Razılığa görə, bütün miqrantlar ölkələrinə geri göndəriləcək. Avropada yalnız 5 min miqrant yerləşdiriləcək.