Bəziləri işğala göz yumaraq Ermənistanı cəsarətləndirdi.

Axar.az xəbər verir ki, bunu Türkiyə Prezident Administrasiyasının İctimaiyyətlə əlaqələr idarəsinin rəhbəri Fəxrəddin Altun Tvitter hesabında deyib.

“İndiki münaqişə vəziyyətin pis olduğunun sübutudur. Ermənistan Azərbaycan torpaqlarında işğalçı vəziyyətindədir. Dağlıq Qarabağı işğal etməklə bərabər, Azərbaycana qarşı davamlı olaraq təxribata əl atdılar. Ermənilərin bu günkü hücumları bir daha təhlükəli vəziyyət yaratdı. Erməni təxribatını güclü şəkildə qınayır, dünya ölkələrini bu işğala və hücumlara qarşı Azərbaycanla həmrəy olmağa çağırırıq. Türkiyə və Azərbaycan iki dövlət, bir millətdir. Lazım olanı edəcəyik”, - Altun bildirib.