Rusiyalı müxalifətçi Aleksey Navalnı Almaniya kansleri Angela Merkelin onu Berlinin "Şarite” klinikasında ziyarət etdiyini təsdiqləyib.

Axar.az xəbər verir ki, bu barədə Navalnı Tvitter səhifəsində məlumat yayıb.

“Bəli, bizim görüşümüz olub. Amma bu görüşü məxfi görüş adlandırmaq lazım deyil. Ən yaxşısı buna şəxsi görüş və ailə ilə söhbət deyək. Məni xəstəxanada ziyarət etdiyinə görə kansler Merkelə çox minnətdaram”, - Navalnıy bildirib.

Qeyd edək ki, bir müddət əvvəl Merkelin Navalnını “məxfi şəkildə” xəstəxanada ziyarət etdiyi haqda məlumat yayılmışdı.