ABŞ Prezidenti Barak Obamanın 24 aprel qondarma erməni soyqırımı ilə bağlı açıqlaması erməni diasporunun sərt reaksiyasına səbəb olub.

Axar.az xəbər verir ki, Amerika Erməni Milli Komitəsinin (ANCA) direktoru Aram Hamparyan verdiyi yazılı açıqlamada Obamanın "soyqırım" ilə söz oyunu oynadığını və həqiqətlərdən qaçdığını iddia edib.

Hamparyan ABŞ-ın Kaliforniya ştatında ermənicə-ingiliscə çap olunan Asbarez qəzetinin internet saytında yer alan açıqlamasında belə deyib:

"Namizəd Obama "Amerikanın erməni soyqırımı haqqında dürüst danışan və bütün soyqırımları şiddətlə qınayan bir liderə ehtiyacı var", deyəndə haqlı idi. Təəssüf ki, Obama bu gün dünyaya "o lider" olmadığını sübut etdi".