Nepalın Pokhara şəhərinin 80 kilometrliyində 7.9 bal gücündə zəlzələ baş verib.

Axar.az ABŞ-ın Geologiya İnstitutunun yaydığı məlumata istinadən xəbər verir ki, Hindistanda da hiss edilən zəlzələ yerin 31 km dərinliyində baş verib.

Ölən və yaralananlar barədə hələ ki, heç bir rəsmi açıqlama verilməyib. Şahidlərin verdiyi məlumata görə isə Nepalın paytaxtı Katmandu şəhərindəki bir çox binalar dağılıb.

***

Nepalda baş verən zəlzələ nəticəsində ölənlərin sayı 114-ə çatıb.

Axar.az xəbər verir ki, 7,9 bal gücündə baş verən zəlzələ nəticəsində onlarla yaşayış binası, o cümlədən 183 illik qüllə dağılıb. 50 nəfərdən çox vətəndaşın qüllənin dağıntıları altında qaldığı bildirilir.

Bu arada Everest zirvəsində yeraltı təkanlar uçqunla nəticələnib. Qar uçqunları baş verən yerdə çox sayda alpinistin olduğu bildirilir.

Yeraltı təkanlar qonşu Banqladeşdə və Hindistanın şimalında da hiss olunub.

Xatırladaq ki, 4 il öncə Katmanduda baş verən zəlzələ nəticəsində 110 nəfər həlak olmuşdu.