21:39

Türkiyə Hava Yollarına məxsus Milan-İstanbul reysi ilə uçan Airbus A320 sərnişin təyyarəsində baş verən yanğından sonra şirkət 45 uçuşu təxirə salıb.

Axar.az xəbər verir ki, THY şirkəti daxili və xarici reysləri təxirə salmaq barədə qərar verib.

THY-nin rəsmi Tvitter hesabından edilən açıqlamada bəzi reyslərin təxirə salındığı bildirilib, həmçinin sərnişinlərə hava limanına gəlməmişdən öncə uçuş vaxtına baxmaları məsləhət görülüb.

THY daxili reyslər üzrə Nevşəhər, İzmir, Sinop, Antalya, Ankara, Samsun, Adana, Şırnak, Kayseri, Şanlıurfa, Ərzurum, Mardin, Qaziantep, Trabzon, Alanya, Malatya, K.Maraş, Elazığ, xarici reyslər üzrə isə Köln, Milan, Nürnberq, Neapol, Balonya, Berlin, Roma, Praqa, Venesiya, Vyana səfərlərini ləğv edib.

Qeyd edək ki, bu gün Türkiyə Hava Yollarının Milan-İstanbul reysi ilə uçan Airbus A320 sərnişin təyyarəsinin mühərrikində yanğın baş vermişdi və təyyarə Atatürk Hava limanına təcili eniş etmişdi.

22:10

Türk Hava Yollarının Türkiyə vaxtı ilə saat 15.45-də uçmalı olan Bakı-İstanbul reysi gecikir. AzərTac xəbər verir ki, TK0334 reysi üzrə uçuşun nə vaxt həyata keçiriləcəyinə dair məlumat verilmir.