Alman kəndlərindən biri neonasistlər tərəfindən tutularaq Üçüncü Reyxin kultu yaradılıb. ANS-in məlumatına görə, qəsəbədə fürerin şərəfinə bir çox işlər görülüb.

Adolf Hitler və alman faşizminin pərəstişkarları artıq Yamel adlı alman kəndinə köçməyə başlayıblar. Kənd başdan-başa faşist şüarları ilə bəzədilib. Kəndin girişində "Azadlıq - nasional-sosializm" şüarlı plakat yerləşdirilib.

Nasistlər bundan başqa yerli əhali arasında aktiv təşviqat kampaniyası apararaq Reyxə simpatiya yaratmağa çalışırlar.

Ancaq, belə siyasət bütün kəndlilərin ürəyincə olmayıb. Çoxları nasistlərin bu hərəkətlərindən son dərəcə narahatlıq keçirir. Belə ki, nasistlər öz tərəflərinə çəkə bilmədiyi kəndliləri kənddən getməyə məcbur edir.

"Neonasistlər qəsdən bizim kəndimizdə yerləşiblər. Bunlar cinayətkarlardır. Onlar bizə dinclik vermirlər, bizi qovmaq istəyirlər. Kim onlarla razı deyil, burada ona dinclik vermirlər", - Birqit Lomeyer adlı yerli sakin bildirib.