İŞİD terror qruplaşmasının başçısı, "xəlifə" Əbubəkr Bağdadi öldürülüb. Musavat.com-un məlumatına görə, bu barədə İraqın "Waradana" agentliyi Mosuldakı anonim mənbəyə istinadən xəbər yayıb.

Mənbənin sözlərinə görə, qruplaşmanın yüksək çinli üzvləri "xəlifə"nin öldüyünü təsdiqləyiblər. Bağdadi həkimlərin səylərinə baxmayaraq, Rakka şəhərində dünyasını dəyişib. Mənbə bildirib ki, artıq onun varisi bəllidir – bu, Əbdürrəhman əl-Şeyxlardır (ləqəbi Əbu əl-Əfri). İŞİD-in yeni başçısı əvvəllər fizika müəllimi işləyib.

Məlumata görə, Əbubəkr Bağdadi martın 18-də, İraqın şimalında koalisiya qüvvələrinin hava zərbələri nəticəsində yaralanıbmış.

Xatırladaq ki, bu, Bağdadinin ölümü barədə yayılan 5-ci xəbərdir.