İsveç Xristian Demokratlar Partiyası ölkə tarixində bir ilkə imza atıb.

Axar.az xəbər verir ki, keçirilən seçkilərin sonucunda 28 yaşlı Ebba Buş Tor qalib gələrək partiyanın ilk qadın lideri olub.

Seçkilərə yeganə namizəd olaraq qatılan xanım Tor jurnalistlərə verdiyi açıqlamasında ənənəvi mühafizəkar dəyərləri müdafiə edəcəyini və ailə hüquqları üçün mübarizəni davam etdirəcəyini bildirib.

Bildirək ki, Uppsala Universitetinin Sosial elmlər fakültəsində təhsil alan Tor 2006-ci ildən Xristian Demokrat Partiyasının üzvüdür.

Xatırladaq ki, Xristian Demokatların 349 yerlik İsveç Parlamentində (Riksdaq) 16 millət vəkili, Avropa Parlamentində isə bir millət vəkili var. 1964-ci ildə qurulan Xristian Demokrat Partiyası 1985-ci ildən parlamentdə təmsil olunur.