"İslam xilafət"i doğum şəhadətnaməsi verir.

Axar.az-ın xəbərinə görə, Yaxın Şərqdə "İslam dövləti" qurmaq istəyən vəhhabi terrorçular yeni doğulan uşaqlara şəhadətnamə paylayır. İŞİD-in nəzarətində olan İraq və Suriya ərazilərində dünyaya gələn yeni uşaqlar artıq terrorçu dövlətin şəhadətnaməsi ilə qeydiyyata alınır.

Belə bir görüntü sosial mediada yayılıb. Bildirək ki, "İslam dövləti" üzvləri şəriət qanunları ilə Yaxın Şərqi idarə etmək istəyirlər. Onlar misli görünməmiş edamlar, tükürpərdici qətllər törədir, bunu Allah uğrunda kafirlərə qarşı cihad kimi təqdim edirlər.

Dünyanın müxtəlif ölkələrindən peşəkar terrorçular bu qanunsuz hərbi birləşməyə qoşulub. Siyasi analitiklər bu qondarma dövlətin Yaxın Şərqdə yaranmasını beynəlxalq güclərin yeni layihəsi hesab edirlər.