ABŞ-da vətəndaşların təxminən 47 faizi prezident seçkilərinin şəffaf və ədalətli keçiriləcəyini düşünmür.

Axar.az xəbər verir ki, bu barədə “Braver Angels” qrupunun apardığı sorğuda qeyd olunur.

Qrupun digər bir sorğusunda isə iştirakçıların 56 faizi seçki nəticələrindən dolayı ölkədə zorakılıq hallarının artacağını hesab edir.

Ekspertlərin fikrincə, Trampın poçt üsulu ilə seçki keçirilməsi təklifi böyük saxtakarlığa gətirib çıxara bilər.

“Braver Angels” qrupunun üzvü Krissi Koç qeyd edir ki, Trampın seçkiləri uduzacağı halda onun tərəfdarları seçkinin demokratik olmaması ilə bağlı iddia qaldıra bilər:

“Əgər Tramp qalib olarsa, iki partiya (Demokratlar və Respulikaçılar) tərəfdarları arasında dağıdıcı və xaotik nifrətin davam edəcəyindən ehtiyatlanıram”.