"Putin Cənubi Qafqazı Rusiyaya bağlamaq istəyir".

Bu sözləri Axar.az-a açıqlamasında gürcü politoloq Gela Vasadze söyləyib.

O, Putinin bunun üçün bütün imkanlarından istifadə etdiyini bildirib:

"Mən Putinin məntiqini anlamaqda çətinlik çəkirəm. Amma aydındır ki, Putinin məqsədi bütün Cənubi Qafqazı Rusiyaya bağlamaqdır. Bunun üçün o, əlində olan bütün vasitələrdən, o cümlədən Azərbaycana hədə-qorxu gəlinməsindən də məmnuniyyətlə istifadə edir".

Xatırladaq ki, dünən "Rossiya-1" telekanalında yayımlanan "Prezident" filmində Vladimir Putin Azərbaycanda ABŞ kəşfiyyatının Şimali Qafqazdakı terrorçulara dəstək verdiyi haqda məlumat vermişdi.