Şəxsi həyatı ilə əlaqədar olaraq tez-tez gündəmə gələn dünya şöhrətli bolqar müğənni Azis Bakıda konsert verəcək.

Axar.az xəbər verir ki, konsertin təşkilatçısı, bir çox tanınmış müğənninin prodüserliyini etmiş təşkilatçı Samir Xəttabdır.

Konsertin təşkilatçısı müğənninin Bakıda verəcəyi konsertlə bağlı yeni video müraciətini paylaşıb. Videoda müğənni verəcəyi konsertin yeri, saatı barədə məlumat verir.

Samir Xəttab Axar.az-a açıqlamasında ölkəmizdə ilk dəfə bir konsertə biletlərin şəxsiyyət vəsiqəsi ilə satıldığını bildirib.

Qeyd edək ki, konsert iyul ayının 25-də, saat 20:00-da, "Nar Şərab" restoranında baş tutacaq.

Videonu təqdim edirik: