"Baltimor şəhərinin rəhbərliyinin bu mənasız etirazları dağıtmaq üçün gördüyü işlər son dərəcə doğrudur".

Axar.az xəbər verir ki, bu açıqlama ilə ABŞ Prezidenti Barak Obama çıxış edib. O, ABŞ-ın Baltimor şəhərində baş verən hadisələrin ciddi əsası olmadığını bildirib:

"Baltimorda baş verən hadisələrin heç bir haqlı səbəbi yoxdur. Bunlar əsas məqsədlərimizə zərər verir. İnsanlar evləri, mağazaları yağmalayanda etiraz etmiş və ya bir mesaj vermiş yox, oğurlamış olurlar. Onlar bununla cəmiyyətlərindəki iş fürsətlərini məhv edirlər. Şəhər rəhbərliyinin bu mənasız etirazları dağıtmaq üçün gördüyü işlər son dərəcə doğrudur. Bu bir etiraz və mesaj vermək yox, bir qrup adamın öz məqsədləri üçün vəziyyətdən istifadə etməsidir".

Qeyd edək ki, Baltimorda Fredi Qrey adlı qaradərili gənc polis tərəfindən saxlandıqdan bir həftə sonra boynu qırılmış şəkildə xəstəxanaya aparılıb və orada ölüb. Bundan sonra şəhərdə etirazlar başlayıb.